नंदुरबार- रिपब्लीकन एम्प्लॉईज फेडरेशनच्या नंदुरबार जिल्हा अध्यक्षपदी रत्नाकर पाटील यांची निवड झाली असून तसे अधिकृतपणे नियुक्तीपत्र त्यांना देण्यात आले आहे.
दिलेल्या माहितीत म्हटले आहे की, जिल्ह्यातील सर्व कामगार, कर्मचारी, अधिकारी यांच्या हिताचे संरक्षण करून त्यांना न्याय देणे तसेच फेडरेशनची वाढ, विकास एवं वृद्धी व्हावी यासाठी रिपब्लीकन एम्प्लॉईज फेडरेशनचे अध्यक्ष ना. रामदास आठवले यांच्या आदेशान्वये नंदुरबार येथे शासकीय सेवेत कार्यरत असलेले रत्नाकर पाटील यांची नियुक्ती रिपब्लीकन एम्प्लॉईज फेडरेशन नंदुरबार जिल्हा युनिटच्या अध्यक्षपदी करण्यात आली. हे नियुक्ती पत्र केंद्रीय सरचिटणीस आत्माराम पाखरे यांनी दिले आहे. रिपब्लीकन पार्टी ऑफ इंडिया (आ) नंदुरबार जिल्हाध्यक्ष अरविंद कुंवर, रिपब्लीकन पार्टी ऑफ इंडिया (आ) नंदुरबार युवक आघाडी जिल्हाध्यक्ष सुभाष पानपाटील, रिपब्लीकन पार्टी ऑफ इंडिया (आ) नंदुरबार जिल्हा सचिव राम साळुंके आणि रिपब्लीकन पार्टी ऑफ इंडिया (आ) नंदुरबार वाहतुक आघाडी जिल्हाध्यक्ष मितुल श्रॉफ यांच्या हस्ते नुकतेच हे नियुक्तीपत्र रत्नाकर पाटील यांना प्रदान करण्यात आले.
