तब्बल दोन वर्षानंतर धुळे-चाळीसगाव रेल्वे धावणार !

धुळे – कोरोना महामारीचा संकटकाळ सलग चालू राहिल्यामुळे मागील दोन वर्षांपासून बंद असलेली धुळे-चाळीसगाव रेल्वे येत्या 13 डिसेंबरपासून पुन्हा सुरू करण्याचा निर्णय रेल्वे प्रशासनाने घेतला आहे. त्यामुळे खानदेश वासियांची प्रतीक्षा संपणार असून प्रवासाचा एक मार्ग खुला होणार आहे. दिवसातून दोन वेळेस ही रेल्वे धावणार असून  रविवारी बंद राहिल; असे संबंधित अधिकार्‍यकडून सांगण्यात आले आहे.

     13 डिसेंबर पासून रोज चाळीसगाव रेल्वे स्थानकावरून सकाळी 6.30 वाजता निघून धुळ्यात 7.35 मिनिटांनी पोहोचेल. धुळे येथून निघाल्यानंतर पुन्हा ही रेल्वे 8.55 मिनिटांनी चाळीसगाव येथे पोहोचेल. सायंकाळी 5.30 मिनिटांनी चाळीसगाव येथून निघून 6.35 मिनिटांनी धुळे येथे पोहोचेल व  रात्री 8.50 ला ही रेल्वे चाळीसगाव स्थानकात पुन्हा परत जाईल. अशा प्रकारे दिवसातून दोन वेळेस ही रेल्वे धावणार असून  रविवारी बंद राहिल.