नंदुरबार – येथील राज्य उत्पादन शुल्क विभागाच्या भरारी पथकाने काठी ता.अ.कुवा जि.नंदुरबार येथे भर कडाक्याच्या थंडीत कारवाई करीत परराज्यातील मद्याची अवैध वाहतूक करणाऱ्यांना पकडले व महिंद्रा मॅक्ससह ८ लाख रू.किंमतीचा मुददेमालही जप्त केला.
महाराष्ट्र राज्य उत्पादन शुल्क विभागाचे आयुक्त कांतीलाल उमाप, विभागीय उपायुक्त श्रीमती वर्मा, संचालक (अं व द.) अर्जुन ओहोळ यांच्या तसेच महाराष्ट्र राज्य उत्पादन शुल्क विभागाचे नंदुरबार जिल्हा अधीक्षक युवराज राठोड यांच्या मार्गदर्शनाखाली निरीक्षक डी.एम. चकोर यांच्या पथकाने दि. ११ जानेवारी २०२२ रोजी ही कारवाई केली. निरिक्षक चकोर यांनी माहिती देतांना सांगितले की, काठी ते मोलगी रोड, मोलगी शिवार ता. अक्कलकुवा जि.नंदुरबार येथे MH-३९-C-४०३० या परिवहन क्रमांकाच्या महिंद्रा कंपनीची मॅक्सची तपासणी केली असता रॉयल ब्ल्यु व्हिस्की १८० मि.ली. क्षमतेच्या एकूण ५००० बाटल्या (१०० बॉक्स) लपवलेल्या आढळल्या. लगेचच जयसिंग अंतरसिंग पाडवी वय ४० वर्षे रा.काठी ता. अक्कलकुवा जि. नंदुरबार या इसमास अटक करण्यात आली. एकूण ८,००,०००/- रू. चा मुद्देमाल जप्त करण्यात आला. सदर कारवाई महाराष्ट्र दारुबंदी कायदा १९४९ अंतर्गत कलम ६५ (अ) (ई),८०,८१,८३,९०, ९८(२), १०८ अन्वये करण्यात आली आहे.
या पथकात निरीक्षक चकोर यांच्या समवेत दुय्यम निरीक्षक एस. एस. रावते, पी. जे. मेहता, बी.एस. चोथवे, जवान सर्वश्री श्री. राजेंद्र एन पावरा, हेमंत डी पाटील, हितेश जेठे, अविनाश पाटील, एम.एम. पाडवी, संदीप वाघ यांचा समावेश होता. सदर गुन्ह्याचा पुढील तपास एस. एस. रावते दुय्यम निरीक्षक व विभाग, नंदुरबार करीत आहेत.
