नंदुरबार – नंदुरबार तालुक्यातील मौजे टोकरतलाव व करजकुपे या गावांतील 74 ग्रामस्थांना शिधापत्रिका वाटप करण्यात येऊन सुवर्ण जयंती महाराजस्व अभियान अंतर्गत शिधापत्रिका वाटपाचा प्रारंभ करण्यात आला.
ज्या व्यक्तीचे नांवे शिधापत्रीकेत नाही किंवा जुन्या शिधापत्रीकेतून नाव कमी करुन नविन शिधापत्रीकेची मागणी केली अशांना आज दिनांक 15 फेब्रुवारी 2022 रोजी सकाळी 11.30 वाजता तालुक्याचे आमदार व माजी आदिवासी विकास मंत्री डॉ. विजयकुमार गावीत, कोळदा गटाच्या जि.प. सदस्या डॉ. सुप्रीया विजयकुमार गावीत व भारतीय जनता पार्टीचे तालुका अध्यक्ष दिपक पाटील यांच्या हस्ते हे वाटप करण्यात आले. यात टोकरतलाव गावातील एकूण 39 केशरी शिधापत्रीका व दुपारी 1 वाजता करजकुपे गावात एकूण 35 केशरी शिधापत्रीकांचा समावेश आहे. कोळदा गटाचे जि.प. सदस्या सन्मानीय डॉ. सुप्रीया गावीत व सन्मानीय आमदार व माजी आदिवासी विकास मंत्री डॉ. विजयकुमार गावीत यांनी याप्रसंगी दोन्ही गावातील नविन वाटप केलेल्या शिधापत्रीका धारकांना मार्गदर्शन केले.
सुवर्ण जयंती महाराजस्व अभियान अंतर्गत नंदुरबार तालुक्यात मौजे टोकरतलाव येथून सुरुवात करुन आज टोकरतलाव येथील एकूण 39 केशरी शिधापत्रीका धारकांना घरपोच शिधापत्रीका वाटप करण्यात येत आहे. व दुपारी करजकुपे येथे 35 केशरी शिधापत्रीकाना घरपोच शिधापत्रीका वाटप करण्यात येत आहे व दर मंगळवारी याच प्रमाणे कार्यक्रम घेऊन ज्या ठिकाणी जास्त शिधापत्रीकाची मागणी राहील त्या ठिकाणी कार्यक्रम घेऊन घरपोच शिधापत्रीका वाटप करण्यात येईल तरी ज्या व्यक्तीकडे / कुंटुबाकडे शिधापत्रीका नाही अथवा कुंटुब विभक्त राहत असेल त्यांनी विहित नमुन्यात अर्ज करुन शिधापत्रीकेची मागणी नोंदवावी, असे आवाहन याप्रसंगी नंदुरबार तालुक्याचे तहसिलदार भाऊसाहेब थोरात यांनी प्रस्तावनेतून केले.
कार्यक्रमास तालुक्याचे पुरवठा विभागाचे नायब तहसिलदार रमेश वळवी, पुरवठा निरीक्षक समराज वाडेकर, मदन कावळे मंडळ अधिकारी आष्टे, श्रीमती वैशाली काकुळदे तलाठी टोकरतळे, गणेश मोरे, ग्रामसेवक टोकरतळे, छोटुलाल बारकु पाटील, स्वस्त धान्य दुकानदार टोकरतळे व मौजे करजकुपे येथील सरपंच आशाबाई उदय ठाकरे, श्रीमती गोसावी मुख्याध्यापीका जि.प.शाळा, सुनील भदाणे उपशिक्षक कांतीलाल ठाकरे स्वस्त धान्य दुकानदार करजकुपे व तहसिल कार्यालयाचे संगणक चालक संदिप सामुद्रे उपस्थित होते.
